Sas Origines

S'Istemma

Codronzanos est in su tzentru de su Logudoro, a 349 metros subra de su mare e a 18 chilòmetros dae Tàtari. Est bistadu fraigadu intras su 224 - 225 d.C. forsi comente acampamentu romanu pro bardiare sa carrela Turris - Karalis (Portu Turre - Casteddu). S'acampamentu nòdidu comente Cohors Traiani dae s'imperadore Traianu, est istadu mudadu apustis in Oppidum (tzitade afortigada) e prus tardu comente Castrum Gardianum in onore de s'imperadore Gordianu. Cramadu apustis Cotronianum - boghe cumposta dae sas duas peraulas: "CADAR" chi cheret narrer "abitu o istinchidda" "KANA" (nèula o logu bassu anneuladu). Mudadu torra in Cotroniano e a sa fine in Codronzanos.

Sa fromma seberada pro s'Istemma est s'Iscudu sannìticu. S'iscudu o istemma est abbratzadu in fora dae unu ratu de olia cun fògias e frutos ligadu cun d'unu nastru a unu fundu de bide cojuadu a ispigas de trigu; custu cheret nàrrere chi sa richesa de su Comune benit pro sa mazore parte dae sa campagna: dae sos oliàrios, dae sas bìngias e dae su trigu. Sas duas figuras seberadas contant sas cosas prus importantes sutzessas in s'istòria de sa bidda In altu s'Istemma de s'ordine de sos Camaldoleses leadu dae cussu chi s'agatat in sa Crèsia de sa Santìssima Trinidade de Sacarza: duas columbas de prata postas una a ojos a s'àtera chi bufant dae unu càlighe de oro, cun subra un'isteddu a 7 puntas. In bassu: unu "castrum" militare romanu.

In dae segus